गुल्मीमा सरकारी भवन पहिरोले भत्कायो

गुल्मीको ठुलोलुम्पेक गाउँमा निर्माण सकिनै  लागेको सरकारी भवन भत्किएको भत्काएको छ । आइतबार साँझ परेको अविरल वर्षापछि बगेको पहिरोका कारण भवन भत्किएको हो । जिल्लाको  सत्यवती गाउँपालिका–३, ठुलो लुम्पेकको घारा डाँडामा  प्रधानमन्त्री कृषि आधुनिकिकरण परियोजना, कफी जोन कार्यक्रम अन्तर्गत निर्माण भएको कफी  प्रशोधन केन्द्रको भवन भत्किएको हो ।

वडाध्यक्ष जितबहादुर तरामुका अनुसार यसै आर्थिक बर्षमा प्रधानमन्त्री कृषि आधुनिकीकरण परियोजनाबाट  कफी प्रशोधन केन्द्र भवन निर्माणका  लागि  करिब २० लाख  रकम परेको थियो । भवन निर्माणको काम सकेर  कफी प्रशोधन गर्ने मेशिन मगाएर उद्घाटनको तयारी भैरहेका बेला भवन भत्किएको हो । माथिबाट एक्कासि खसेको पहिरोले  पछाडिको भाग पूर्णरुपमा क्षतिग्रस्त भएको छ ।

स्रोत रातोपाटी

जनाधार मिडिया प्रालि द्वारा सञ्चालीत गुल्मी अपडेट,गुल्मी जिल्लालाई आधार क्षेत्र मानेर २०७८ चैत देखी सञ्चालनमा ल्याईएको हो । सूचना विभागमा ३२१३-२०७८/७९ दर्ता नम्बर रहेको छ ।