मौलिक संस्कृतिको सम्वर्द्धन गर्न गाउँपालिका द्वारा खुला तिज गित प्रतियोगिताको आयोजना

टोपराम केसी
भाद्र ,१० गुल्मी।

छत्रकोट गाउँपालिकाले हिन्दु नारीहरुको महान पर्व हरितालिका तिज पर्वलाई मध्यनजर गरि भोलि  ११ गते शनिवारका दिन खुला तिज गित प्रतियोगिताको आयोजना गरेको छ। छत्रकोट गाउँपालिका ४ स्थित श्रृङ्गा जनता माध्यमिक विद्यालयको प्राङ्गणमा आयोजित प्रतियोगिता विहान ११ वजे देखि सुरु हुनेछ। प्रतियोगितामा छत्रकोट गाउँपालिका भित्रका वडाहरुबाट २-३ समुहले सभागिता जनाउन पाउनेछन्।

यस्तै छत्रकोट गाउँपालिका वाहिरवाट भने १ समुकोको सहभागिता रहने आयोजकले वताएको छ। यस्तै महिला विकास शाखा छत्रकोट गाउँपालिकाकी शाखा प्रमुख सीता थापा वुढाथोकीका अनुसार प्रतियोगिता मार्फत प्रथम स्थान हाँसिल गर्ने समुहका लागि नगद रु १०००० र प्रमाणपत्र को व्यवस्था गरिएको छ। द्वितीय तृतीय र सान्त्वना स्थान प्राप्त समुहहरका लागि क्रमश नगद रु८०००, ६००० र  ३००० सहित प्रमाणपत्रको व्यवस्था गरिएको पनि उहाँले बताउनु भयो।

विशेष गरि तिज गित महिला हकअधिकार ,राष्ट्रिय तथा स्थानीय संस्कृतिको सम्वर्द्धन र गाउँपालिकाको विकाससँग सम्वन्धित हुनु पर्ने गाउँपालिका द्वारा प्रकाशित सुचनामा उल्लेख गरिएको छ। सहभागी समुहले १ घण्टा भित्रमा सामुहिक प्रस्तुत गरिसक्नु पर्ने पनि सुचनामा उल्लेख गरिएको छ। गाउँपालिकाले ईच्छुक सहभागि समुहलाई समूह दर्ताका लागि आज सम्मको समय दिएको छ।

जनाधार मिडिया प्रालि द्वारा सञ्चालीत गुल्मी अपडेट,गुल्मी जिल्लालाई आधार क्षेत्र मानेर २०७८ चैत देखी सञ्चालनमा ल्याईएको हो । सूचना विभागमा ३२१३-२०७८/७९ दर्ता नम्बर रहेको छ ।