धुर्कोटका ३ वडामा बाख्राहरुमा नस्ल सुधारको लागि बोका बितरण



राधा पोख्रेल असोज १६ गुल्मी ।
सामुदायिक विकासका लागी बाख्रा उद्यम परियोजना कार्यक्रम अन्तरगत धुर्कोट गाउँपालिकाको आर्थिक सहयोग, हेफर प्रोजेक्ट नेपाल र सिर्जनशिल सामुदायिक बिकास केन्द्र गुल्मी द्वारा संचालित सामुदायिक विकासका लागी बाख्रा उद्यम परियोजना अन्तरगत धुर्कोट गाउँपालिका वडा नं १,३ र ७ वडामा गरी ३७ वटा समुहमा नश्ल सुधारको लागी बिउँ वोका वितरण कार्यक्रम सम्पन्न भएको छ ।
बिहिबार परियोजनाले एक कार्यक्रम गरि वडा नम्बर ३ हाडहाडेमा वडा अध्यक्ष बिष्णु श्रीस, वडा सदस्य कमला बिक र परियोजनाका शंकर नेपालीको उपस्थितिमा १४ वटा बोका उपहार समुहलाई बितरण गरेको राजेन्द्र बिकले जानकारी दिनुभयो ।

यस्तै बिहिबार नै वडा नम्बर १ नयागाउमा वडा सदस्य देव बहादुर पाण्डे ,तुल्सा राना र परियोजनाका प्राबिधिक संयोजक नारायण जिसिको उपस्थितिमा ९ वटा बिउ बोका बितरण गरिएको छ ।
बुधबार परियोजनाले वडा नम्बर ७ वाग्लामा वडा अध्यक्ष हिम प्रसाद पन्थी, वडा सदस्य टोपलाल पराजुली,ढुण्डी घिमिरे ,दिपा परियार र परियोजना संयोजक शंकर नेपालीको उपस्थितिमा १४ वटा बोका बितरण गरेको थियो । उक्तबोका पनि हालै बनेका नयाँ उपहार समुहलाई प्रदान गरिएको हो ।
यस परियोजनाले २ हजार घरधुरिलाई समेट्ने गरि धुर्कोट गाउपालीकाका ४ वटा वडा नयागाउ,पिपलधारा,हाडहाडे र वाग्लामा ८० समुह निर्माण गरि उक्त कार्यक्रम संचालन गरेको छ ।कार्यक्रमको लागी धुर्कोट गाउँपालिकाको ७५ प्रतिशत र हेफर प्रोजेक्ट नेपालको २५ प्रतिशत लागतमा २००० घर परिवारमा काम अगाडी बढाएको छ।

प्रतिक्रिया दिनुहोस्
हालसम्म यो वेबसाइट डेमो प्रपोजको लागि मात्रै हो ।
सम्पादक
विज्ञापनको लागि
वरिष्ठ संवाददाता
संवाददाता