बेनामे उजुरीले स्थानीय तहलाई सास्ती

मंसिर १२ गुल्मी ।

अख्तियार दुरुपयोग अनुसन्धान आयोगलाई बेनामे उजुरी दर्ता नगर्न सुझाव दिएका छन । अख्तियार दुरुपयोग अनुसन्धान आयोग बुटवलले गुल्मीको मालिका गाउँपालिकामा गरेको अन्तरक्रिया कार्यक्रममा जनप्रतिनिधि ,कर्मचारी ,विद्यालय व्यवस्थापन समितिका पदाधिकारी र प्रधानाध्यापकहरुले यस्तो सुझाब दिएका हुन । गल्ती गर्ने जोसुकै लाई पनि कारबाही हुनु पर्छ अनुसन्धान गर्नु पर्छ तर दुख दिने नियतले बिनानामको उजुरी दिदा काम गर्न धेरै गाह्रो र मनोबल गिरेको अर्जै माद्यामिक विद्यालयका प्रधानाध्यापक सम्झना विष्टले गुनासो गर्नु भयो ।
राजनीतिक प्रतिशोध साझेर झुटा उजुरी दिदा नागरिकलाई समेत दुख भएको वडा नम्बर आठका वडा अध्यक्ष सुर्यबहादुर जिसीले सुनाउनु भयो । कार्यक्रममा अख्तियारको काम कर्तब्य र अधिकारको बारेमा छलफल गरिएको थियो ।
छलफलमा उठेको जबाफ दिदै अख्तियार दुरुपयोग अनुसन्धान आयोग बुटवलका प्रहरी नायव उपरीक्षक प्रताप पौडेलले बिना नामको उजुरीले सबैलाई नोक्सान पुराएको बताउनु भयो त्यसले स्वयंम कार्यालयको समय, जनशक्ति र खर्च समेत बढाए पनि नागरिकले गरेका उजुरीमा चासो दिनु पर्ने बताउनु भयो । त्यस्तै बिना नामाका उजुरी आफैमा हलका हुने हुँदा कत्ती पनि बिचलित नभैइ काम गर्न उहाले आग्रह समेत गर्नु भयो । त्यस्तै मालिका गाउँपालिकाका प्रमुख प्रशासकिय अधिकृत विवेक खनालले आफु रहदा सम्म मालिका गाउँपालिकालाई सुशासनमा राख्ने प्रतिबद्दता जनाउनु भयो । पालिका उपाध्यक्ष उपेन्द्र अर्यालले अख्तियार,मलेप र मन्त्रालयले फरक फरक कानुनी ढाँचामा काम गर्न निर्देशन दिदा स्थानीय तहलाई समस्या भएको बताउनु भयो । त्यसलाई राज्यले एउटै नीति बनाएर सहज बनाउनु पर्ने उहाँको धाराणा थियो ।
पालिका अध्यक्ष देवीराम अर्यालले पालिका शुसाशन तर्फ अघि बढेको बताउनु भयो । बेरुजु र अनियमितता कम हुर्दै गएको उहाँको दावी थियो । त्यस्तै अख्तियार दुरुपयोग अनुसन्धान आयोग बुटवलका प्रहरी नायव उपरीक्षक प्रताप पौडेलले थप प्रस्ट पार्दै राज्यले केही नीति नियम शंसोधन गर्नु पर्ने बताउनु भयो । अख्तियार पनि स्थानीय तहकै सारथी रहेको उहाँले बताउनु भयो ।
गुल्मीमा यो आर्थिक वर्षमा सबै भन्दा धेरै मुसिकोट नगरपालिकामा र रेसुङ्गा नगरपालिकामा १५/१५ वटा उजुरी पर्दा मालिका गाउँपालिकामा ८ वटा र सबै भन्दा कम सत्यवती,रुरुक्षेत्र,छत्रकोट र मदाने गाउँपालिकामा ३/३ वटा उजुरी दर्ता भएका छन ।

जनाधार मिडिया प्रालि द्वारा सञ्चालीत गुल्मी अपडेट,गुल्मी जिल्लालाई आधार क्षेत्र मानेर २०७८ चैत देखी सञ्चालनमा ल्याईएको हो । सूचना विभागमा ३२१३-२०७८/७९ दर्ता नम्बर रहेको छ ।