संसद विघटनविरुद्ध राष्ट्रिय जनमोर्चाद्वारा गुल्मीमा विरोध प्रर्दशन
पुष २० गुल्मी ।
राष्ट्रिय जनमोर्चाले संसद विघटनविरुद्ध गुल्मीमा विरोध प्रर्दशन गरेको छ ।
ससंद विघटनविरुद्ध र्याली र सांस्कृतिक कार्यक्रमसहित चर्को नाराबाजी गर्दै जनमोर्चले विरोध प्रर्दशन गरेको हो । विघटित प्रतिनिधि सभा पुनः स्थापना गर्नुपर्ने तथा गणतन्त्र राष्ट्रियता र धर्म निरपेक्षताको रक्षा गर्नुपर्ने माग जनमोर्चाको रहेको छ ।
र्यालीपछि कोण सभामा परिणत भएको सभालाई प्रमुख अतिथि तथा राष्ट्रिय जनमोर्चाका केन्द्रीय सदस्य शोम कुमार पन्थीले सम्बोधन गरेका थिए । सम्बोधन गर्दै उनले प्रधानमन्त्रीको संसद विघटन कदम र नेपाली काँग्रेसको चर्को आलोचना गरेका थिए ।
जनताले ठुला दललाई विश्वास गरेर पटक पटक मत दिए पनि ति दलहरु सँधै आफ्नो स्वार्थमा लागेको जनमोर्चाले आरोप लगाएको छ । काम नगर्ने कांग्रेसएमालेलाई मत दिएर जनताले भूल गरिरहेको जनमोर्चाको दावी थियो ।
जनाधार मिडिया प्रालि द्वारा सञ्चालीत गुल्मी अपडेट,गुल्मी जिल्लालाई आधार क्षेत्र मानेर २०७८ चैत देखी सञ्चालनमा ल्याईएको हो । सूचना विभागमा ३२१३-२०७८/७९ दर्ता नम्बर रहेको छ ।
