गुल्मी उप निर्वाचन अपडेट: मुसिकोटमा ७ सय ३३ मत खस्यो !

मङ्सिर १६ गुल्मी ।
गुल्मीको मुसिकोट नगरपालिका १ मा वडा अध्यक्ष पदको लागि अहिले मतदान भैइरहेको छ । अहिले सम्म ५ वटा मतदान केन्द्रमा सात सय ३३ मत खसेको निर्वाचन अधिकृत ऋषि घिमिरेले जानकारी दिनु भयो ।
तीन वटा विद्यालयमा ५ वटा मतदान केन्द्र रहेका छन् ।
नेपाल राष्ट्रिय सर्वोदय मावि र सरस्वती माविमा २/२ वटा मतदान केन्द्र रहेका छन भने जनज्योति माविमा एउटा मतदान केन्द्र रहेको छ । वडा अध्यक्ष पदको लागि ५ जना उम्मेदवार बीच प्रतिस्पर्धामा हुँदै छ । बिहानै देखि मतदाताहरु सहभागी भएर मतदान गरिरहेका छन् ।
शान्ता र मर्यादित ढंगले मतदान भैइरहेको छ । चार हजार ९१ जना मतदाता रहेको यस वडामा करिब २५ सय मत खस्ने अनुमान गरिएको छ ।

जनाधार मिडिया प्रालि द्वारा सञ्चालीत गुल्मी अपडेट,गुल्मी जिल्लालाई आधार क्षेत्र मानेर २०७८ चैत देखी सञ्चालनमा ल्याईएको हो । सूचना विभागमा ३२१३-२०७८/७९ दर्ता नम्बर रहेको छ ।