रुरुक्षेत्रमा ` कृषकसंग प्राविधिक कार्यक्रम ´ सञ्चालन

पुस २२ गुल्मी ।
गुल्मीको रुरुक्षेत्र गाउँपालिकाले कृषक संग कृषि र पशु प्राविधिक कार्यक्रम सञ्चालन गरेको छ । किसानको टोल टोलमै पुगेर किसानका समस्याको समाधान गर्ने र आगामी योजना बारे राय सुझाव, सल्लाह लिने उदेश्यले कार्यक्रम सञ्चालन गरिएको अध्यक्ष यदु ज्ञवालीले जानकारी दिए । अहिले सम्म वडा नम्बर एक र दुईमा उक्त कार्यक्रम सम्पन्न गरिएको र बाकी सबै वडामा क्रमशः कार्यक्रम सञ्चालन गरिनेछ ।
साथै वडा स्तरीय यस कार्यक्रमलाई टोल स्तरीय रुपमा लैजान किसानले सुझाव दिएका छन् । जुन क्षेत्रमा कृषि तथा पशुपालनमा धेरै किसान आबद्ध छन् त्यस क्षेत्रमा गाउँपालिकाको टोली पुग्नु पर्ने माग किसानको रहेको छ ।
प्राविधिक र जनप्रतिनिधिको टोली संग आफ्ना समस्या सुनाउन पाँउदा किसान पनि खुसी भएका छन् ।
किसान,प्राविधिक र जनप्रतिनिधिको संयुक्त छलफलले कृषि र पशुपालनको वर्तमान अवस्था ,चुनौती , सम्भावना र भावी रणनीति कोर्न मद्दत पुग्ने प्रमुख प्रशासकीय अधिकृत लक्ष्मण पाण्डेले बताए ।

जनाधार मिडिया प्रालि द्वारा सञ्चालीत गुल्मी अपडेट,गुल्मी जिल्लालाई आधार क्षेत्र मानेर २०७८ चैत देखी सञ्चालनमा ल्याईएको हो । सूचना विभागमा ३२१३-२०७८/७९ दर्ता नम्बर रहेको छ ।