बुबाको सम्झनामा विद्यालयलाई २२ हजार सहयोग

पुस २९ गुल्मी ।
गुल्मीको मालिका गाउँपालिका -८ दघास निवासी घनश्याम थापाले विद्यालयलाई आर्थिक सहयोग गरेका छन् । सोही ठाउँको थानपती निमाविले चलाएको अभियानलाई उनले आज आफ्ना स्वर्गीय बुबा तक बहादुर थापाको पुन्य तिथिको अवसर पारी २२ हजार दुई सय २२ रुपैयाँ सहयोग गरेका हुन । पुर्व विद्यार्थी समेत रहेका थापाले आफुले अध्ययन गरेको विद्यालयमा आफ्ना बुवा ,हजुरबुबा रित बहादुर थापा,हजुरआमा हिमाकुमारी थापाको स्मृतिमा सहयोग गरेको बताए ।
साथै उनी “थानपती निमावि कल्याणकारी कोष´´को ५० औं संस्थापक सदस्य बनेका छन् । आफुले पढेको विद्यालयले राम्रो अभियान चलाएको हुँदा खुलेर स्वतस्फूर्त सहयोग गरेको उल्लेख गरिन । साथै उनले अरुलाई पनि सहयोग गर्न आग्रह गरे ।
ग्रामिण क्षेत्रमै आम नागरिकको चाहना अनुसार अङ्ग्रेजी र नेपाली माध्यम बाट  गुणस्तरीय शिक्षा प्रदान गर्ने उदेश्यले अभियान सुरु गरिएको विद्यालय व्यवस्थापन समितीका अध्यक्ष डिबी खड्काले बताए ।
अभियान बाट जम्मा भएको रकम अचल सम्पत्तिको रुपमा रहने र त्यसको ब्याज मात्रै प्रयोग गरि शैक्षिक गतिविधि गर्ने विद्यालयका प्रधानाध्यापक गोबिन्द बुढाले जानकारी दिए ।
विद्यालयमा प्राप्त आर्थिक स्रोत र दरबन्दी नहुदा पठनपाठनमा समस्या आएको हुँदा त्यसको पुर्तिको लागि अभियान चलाईएको विद्यालय स्रोतले जनाएको छ ।
साथै सहयोग गर्न चाहेमा  शाइन रेसुङ्गा डेभलपमेन्ट बैक सिमलाटारी शाखामा थानपती कल्याणकारी कोष (खाता नम्बर
01400700690479000001) सहयोग गर्न सकिने विद्यालयले जानकारी दिएको छ  ।
हाल सम्म ५० जना ब्याक्ती बाट करिब चार लाख ५० हजार रकम संकलन भएको विद्यालय स्रोतले जानकारी दिएको छ ।

जनाधार मिडिया प्रालि द्वारा सञ्चालीत गुल्मी अपडेट,गुल्मी जिल्लालाई आधार क्षेत्र मानेर २०७८ चैत देखी सञ्चालनमा ल्याईएको हो । सूचना विभागमा ३२१३-२०७८/७९ दर्ता नम्बर रहेको छ ।