थानपती निमाविको अभियान : पुर्व विद्यार्थी उमा खत्री द्वारा छ हजार सहयोग

माघ ६ गुल्मी ।
गुल्मीको मालिका गाउँपालिका -८ उपल्लो  दघासकी उमा खत्रीले विद्यालयलाई आर्थिक सहयोग गरेकी  छन् । पुर्व विद्यार्थी  समेत रहेकी खत्रीले थानपती निमाविले चलाएको अभियानलाई छ हजार छ सय ६६ रुपैयाँँ सहयोग प्रदान गरेकी  हुन । विद्यालयले शैक्षिक सुधारको लागि “ दीर्घकालीन अक्षयकोष´´ स्थापना गर्ने  अभियानमा राम्रो लागेर आफूले सक्दो सहयोग गरेको उनको भनाइ छ ।  साथै उनी “थानपती निमावि कल्याणकारी कोष´´को  ५४ “औं संस्थापक सदस्य बनेकी  छन् । खत्री हाल नेपाली सेनामा कार्यरत छन ।
ग्रामिण क्षेत्रमै आम नागरिकको चाहना अनुसार अङ्ग्रेजी र नेपाली माध्यम बाट  गुणस्तरीय शिक्षा प्रदान गर्ने उदेश्यले अभियान सुरु गरिएको विद्यालय व्यवस्थापन समितीका अध्यक्ष डिबी खड्काले बताए ।
अभियान बाट जम्मा भएको रकम अचल सम्पत्तिको रुपमा रहने र त्यसको ब्याज मात्रै प्रयोग गरि शैक्षिक गतिविधि गर्ने विद्यालयका प्रधानाध्यापक गोबिन्द बुढाले जानकारी दिए ।
विद्यालयमा प्राप्त आर्थिक स्रोत र दरबन्दी नहुदा पठनपाठनमा समस्या आएको हुँदा त्यसको पुर्तिको लागि अभियान चलाईएको विद्यालय स्रोतले जनाएको छ ।
साथै सहयोग गर्न चाहेमा  शाइन रेसुङ्गा डेभलपमेन्ट बैक सिमलाटारी शाखामा थानपती कल्याणकारी कोष (खाता नम्बर
01400700690479000001) सहयोग गर्न सकिने विद्यालयले जानकारी दिएको छ  ।
अहिले सम्म ५४ जना बाट करिब पाँच लाख रकम संकलन भैइसकेको विद्यालय स्रोतले जानकारी दिएको छ ।

जनाधार मिडिया प्रालि द्वारा सञ्चालीत गुल्मी अपडेट,गुल्मी जिल्लालाई आधार क्षेत्र मानेर २०७८ चैत देखी सञ्चालनमा ल्याईएको हो । सूचना विभागमा ३२१३-२०७८/७९ दर्ता नम्बर रहेको छ ।