जन्म दिनको अवसरमा अर्जुन केसी द्वारा थानपती निमाविलाई सात हजार सहयोग

पुस १० गुल्मी ।
गुल्मीको मालिका गाउँपालिका -८ उपल्लो दघास निवासी अर्जुन केसीले जन्म दिनको अवसरमा विद्यालयलाई आर्थिक सहयोग गरेका छन् । सोही ठाउँको थानपती निमाविले चलाएको बृहत आर्थिक संकलन अभियानलाई उनले आज(बुधबार ) परेको आफ्नो जन्म दिनको अवसर पारेर सात हजार सात सय ७७ सहयोग प्रदान गरेका हुन ।
आफुले अध्ययन नगरेपनी त्यस विद्यालय आफ्नै गाउँको रहेको र विद्यालयले सुरु गरेको बृहत शैक्षिक सुधार अभियानमा साथ दिने उदेश्यले आफूले सक्दो सहयोग गरेको उनको भनाइ छ । साथै उनी  “थानपती निमावि कल्याणकारी कोष´´को ३५ औं संस्थापक सदस्य समेत बनेका छन् । उनी हाल वैदेशिक रोजगारीको सिलसिलामा दक्षिण कोरिया  रहेका छन् । ग्रामिण क्षेत्रमै आम नागरिकको चाहना अनुसार अङ्ग्रेजी र नेपाली माध्यम बाट गुणस्तरीय शिक्षा प्रदान गर्ने उदेश्यले अभियान सुरु गरिएको विद्यालय व्यवस्थापन समितीका अध्यक्ष डिबी खड्काले बताए ।
अभियान बाट जम्मा भएको रकम अचल सम्पत्तिको रुपमा रहने र त्यसको ब्याज मात्रै प्रयोग गरि शैक्षिक गतिविधि गर्ने विद्यालयका प्रधानाध्यापक गोबिन्द बुढाले जानकारी दिए ।
विद्यालयमा प्राप्त आर्थिक स्रोत र दरबन्दी नहुदा पठनपाठनमा समस्या आएको हुँदा त्यसको पुर्तिको लागि अभियान चलाईएको विद्यालय स्रोतले जनाएको छ ।
साथै सहयोग गर्न चाहेमा शाइन रेसुङ्गा डेभलपमेन्ट बैक सिमलाटारी शाखामा थानपती कल्याणकारी कोष (खाता नम्बर
01400700690479000001) सहयोग गर्न सकिने विद्यालयले जानकारी दिएको छ ।

जनाधार मिडिया प्रालि द्वारा सञ्चालीत गुल्मी अपडेट,गुल्मी जिल्लालाई आधार क्षेत्र मानेर २०७८ चैत देखी सञ्चालनमा ल्याईएको हो । सूचना विभागमा ३२१३-२०७८/७९ दर्ता नम्बर रहेको छ ।