उम्मेदवार विरुद्ध गुल्मीमा कुनै उजुरी परेन !

हुमाकान्त पोखरेल, गुल्मी ।

२५, असोज । गुल्मीमा आइतबार मनोनयन दर्ता गरेका कुनै पनि उम्मेदवारहरु माथि उजुरी परेको छैन । आयोगले सार्वजनिक गरेको कार्यतालिकाअनुसार सोमबार दिउँसो तीन बजेसम्म उम्मेदवारी बिरुद्ध दाबि÷विरोध गर्ने समय रहेको थियो । तर कुनै पनि उम्मेदवारको विरोधमा उजुरी नपरेको जिल्ला निर्वाचन कार्यालयका कम्युटर अपरेटर अर्जुन पन्थीले जानकारी दिए ।

आगामी मंसिर ४ गते हुने प्रतिनिधि एवम् प्रदेश सभा निर्वाचनका लागि गुल्मीमा कुल ६६ जनाको उम्मेदवारी परेको छ । जसमा क्षेत्र नम्बर १ मा ११ र क्षेत्र नम्बर २ मा १३ जनाको उम्मेदवारी परेको छ । त्यसैगरी क्षेत्र नम्बर १ को ‘क’ मा ११, ‘ख’ मा १२, क्षेत्र नम्बर २ को ‘क’ मा १० एवम् ‘ख’ मा नौ जनाको उम्मेदवार परेको निर्वाचन कार्यालयले जनाएको छ । निर्वाचन कार्यतालिकाअनुसार असोज २५ गते उम्मेदवारको नामावली प्रकाशन गर्ने, २६ गतेसम्म उम्मेदवारले नाम फिर्ता लिने, अन्तिम नामावली प्रकाशन गर्ने र चुनाव चिन्ह प्रदान गर्ने कार्यक्रम रहेको छ ।

जनाधार मिडिया प्रालि द्वारा सञ्चालीत गुल्मी अपडेट,गुल्मी जिल्लालाई आधार क्षेत्र मानेर २०७८ चैत देखी सञ्चालनमा ल्याईएको हो । सूचना विभागमा ३२१३-२०७८/७९ दर्ता नम्बर रहेको छ ।